CAPÍTULO II
“The sun don’t shine but it never did,
but I think I like it.
And you know that I’m love with the mess.
I think we’re doomed”.
Bring Me The Horizon
Ese son que manaba del parecía ser a única cousa
importante que soaba naquela cafetería abarrotada de xente. Non sabía que a
partir de entón, a súa voz, ía ser a única cousa importante que soaría no
mundo. Así que tentei seguir o fío da conversa na metade da pregunta, á cal
tentei contestar medio ano despois do que respondería a calquera outra persoa, cando
xa era tarde. Unha calor ascendeu dende a miña caluga ata as meixelas, e
acendinme coma quen acende unha lámpada. Había xa catro anos que cortara o pelo,
e non tiña forma de tapar a miña cara avergoñada. Entón ocorreuseme a mesma
idea de sempre: fuxir. Ía levantar agarrando o bolso e a chaqueta, cando nun
movemento rápido el agarroume da man e dixo:
-Desta vez non.
Xoana, que percibira o meu intento de escape, propuxo
ao grupo ir a algún pub, e iso
fixemos. Cando entramos, os primeiros en desaparecer foron ela e o seu acompañante,
deixándome soa con el. O meu silencio continuou, pero o del non. Ata que aos
dez minutos apareceu Kathleen, a rapaza máis arrogante, e posiblemente fermosa,
da clase, queréndome roubar a compañía. El miroume facéndome elixir entre falar
con el ou quedar soa, e a indignación obrigou ós meus beizos a seguir pechados,
así que marchou.
Despois de perdelo de vista, uns compañeiros de clase
insistiron en que tomase algo con eles, así que aprobeitei aceptando a
invitación para non quedar soa ata que Xoana volvese. Pero as horas pasaron, e
aínda que o reloxo só marcaba as dúas da mañá, a miña compañeira facía unha
hora que marchara.
Só bebera unha copa e o alcohol afectárame demasiado,
así que decidín buscala para dicirlle que marchaba para a casa, pero en canto o
vin a el, con Kathleen, introducíndolle a lingua ata a tráquea, prefirín marchar
sen dicir nada. Non antes sen percatarme de que me seguía mirando, mentras me daba
a volta, co teléfono na man, coa voz de miña nai xa ao outro lado.
No traxecto non contei nada sobre o motivo da miña
chamada para que me viñesen buscar tan cedo. Tampouco preguntaron. Non eran
negocios que aportasen algo á empresa, así que non importaban.
Subín as escaleiras ata o meu cuarto en zigzag, onde pechei a porta deixándome
caer, mareada, contra ela. Un escalofrío tremendo recorreu a miña columna ata
facerme tremer enteira, polo que reparei en que a ventá estaba aberta, e sobre
cama repousaba un corpo, sorríndome mentras eu o miraba abrairada sentada no
chan. Non podía ser. Tentei poñerme de pé, pero únicamente non desfalecín
porque me agrarrou. Deitoume na cama, e xa non recordei máis.
Ata as cinco da mañá, cando a suor me espertou.
Acendín a luz, porque non tiña a máis mínima idea de onde estaba. Alegroume
recordar cómo chegara á casa, así que suspirei e sorrín, mentras me deixaba ir
para afundirme na cama. Pero de pronto, choquei nalgo que non era a almofada, e
unha queixa saíu do corpo que acababa de sepultar debaixo do meu. Braceei
mentras o que estaba debaixo miña me agarraba, ata chegar á lámpada. Unha vez
iluminado o cuarto, os meus ollos abríronse ata a súa máxima amplitude facendo
imposible manifestar o asombro. Non podía ser. Era el. Que demo facía el, EL,
durmindo na miña cama comigo ás cinco da mañá? Non me molestei nin en apartar.
Sentei encima del, e comecei a bombardealo a preguntas.
A súa única resposta foi un cruce de brazos detrás da
cabeza, mentras pechaba os ollos e sorría. Xa conseguira irritarme, así que
calei e crucei os brazos sobre o peito, esperando. Non tardou en sentarse el
tamén, e iso fíxo que estivese máis cerca de min. Agora sí que quería apartar.
Tarde.
Agarroume para impedirmo e comezou a responder. Unha
vez máis, comecei a atender tarde. Máis ben nin sequera lle atendín, porque
reparei en que unha das súas tatuaxes, a que descansaba no seu pectoral
esquerdo, era unha especie de marca trival coa que eu amencera unha mañá,
despois dunha semana de febre tan alta que por pouco non a conto. Non era unha
tatuaxe. Estaba segura. E el sabíao.
Rocei entón os dedos sobre a pel trazada, coa estúpida
intención de que nin se dese conta. E calou. Calou porque o debuxo comezou a
brillar coma un foco de luz.
Rápidamente colleume para deixarme deitada ao seu lado
na cama. Levantou parte do pixama que eu non vestira a noite anterior para
deixar visible a cadeira esquerda, e atopar así o meu debuxo. Rozou as liñas
negras que surcaban a miña pel, e comezou a brillar tamén.
Comecei a sentir a sensación de mareo coma cando
despegas nun avión. Algo nos estaba arrastrando para levarnos a outro lugar
lonxe, así que tentei suxeitarme. Suxeitarme á cama, á mesa… á man de meu avó
que me tendía traspasando o umbral da porta para agarrarme e non me deixar. Xa case rozaban as puntas dos seus dedos cos meus cando marchei, cando
o vin por última vez.
Estaba condenada.
Ningún comentario:
Publicar un comentario